【Now財經台】美股太空及衛星相關股昨晚(26日)齊「升空」，Redwire、AST Space、MobileFirefly等勁升10%至30%，主要係受惠於SpaceX IPO效應，太空概念股係咪一個值得做長線部署嘅板塊？
泓瀚資本董事盧志威指，如果用一個長線角度睇，就要視乎投資者信唔信太空經濟會逐步興起，因為用任何估值去計SpaceX都係好貴，但對佢比公司可以產生嘅嘢，2萬億美元嘅估值又好似唔係太貴，所以都係視乎用咩角度去睇呢件事，佢認為，因為SpaceX上市初期貨唔多，加上呢隻股份一定會納入指數，上市之後再炒多轉都OK，但呢件事係由資金推動，但亦要從實際業務去睇。
William又話，如果係人工智能(AI)加太空概念咁炒，估計要等AI巨無霸上埋市，熱度先會降溫，又預期暑假仍會繼續熱炒。
