【Now財經台】美股3大CPU(中央處理器)概念股，即安謀控股(Arm)、英特爾(Intel)及超微半導體(AMD)，隨著人工智能(AI)發展，CPU需求大升，呢啲股份嘅股價亦水漲船高，喺呢輪升浪中已經升咗唔少，依家先做部署值博率仲高唔高？
亨達財富管理董事總經理姚浩然認為，現價追入仍有一定值博空間，其實市場4月先真正開始留意CPU，之前忽略咗係因為覺得CPU以配角形式喺AI晶片出現，但之後人工智能代理(AI Agent)面世，CPU及圖形處理器(GPU)需求不斷增加，因為好多嘢要用CPU backup及儲存，AI先可以做到更多指令，由於CPU需求未來勢大升，市場就發現CPU嘅價值浮現，加上當初投資者持有嘅倉位比例唔高，所以喺4月積極吸納。
Patrick又話，雖然CPU股升咗好多，但需求持續大升，加上做CPU嘅公司只得幾家，盈利能力又不斷改善，因此，佢佢認為呢輪升浪未完，又認為仍有唔少上望空間。
