【Now財經台】為咗令市場更清晰評估公司內地自然人文景區，以及主題公司目的地業務價值，香港中旅(00308)計劃分拆港澳文旅以介紹形式上市。受消息刺激，香港中旅股價今日(21日)一度勁升32%，高見1.6元，今次分拆及上市計劃係咪畀到好大憧憬投資者？
耀才證券研究部總監植耀輝認為，香港中旅減少表現相對較差嘅業務，並將核心業務集中喺旅遊及園區，對呢個資源重整動並唔意外。佢又話，雖然香港中旅嘅新景區增長速度快，但傳統景區因搶客而減價，導致業務表現曾經比較失色。
不過，Stanley相信，透過今次分拆可以令香港中旅以往受限嘅估值，同內地同業睇齊，對未來發展有好大幫助，所以投資者會對分拆及上市睇得正面，憧憬集團可能會有更好嘅部署推高股價。
