【Now財經台】本港樓市持續向上，中原經紀人指數CSI(住宅售價)最新報70.91點，升上逾4年半高位，係咪反映前線經紀睇好樓價趨勢向上？
中原地產研究部高級聯席董事楊明儀認為，經紀人指數就等同PMI，50就係盛衰分界，50以上就趨勢向上，50以下就趨勢向下，70就一定係睇好嘅區間，其實指數已維持喺呢個水平17個星期，冇再向上，雖然樓價趨勢仍向上，但由於上半年升得比較急，估計升勢喺第3季有機會放慢。
此外，近期新盤市場持續旺場，加上最新批出嘅地皮地價顯著上升，會唔會帶動住宅樓價升幅進一步擴大？
楊明儀估計，中原經紀人指數CSI(住宅售價)未來都會維持喺70水平，原因係雖然新盤賣得好好，但暫時未見再有其他新利好因素，例如息口，因為...
