【Now財經台】港股嘅晶片股今朝(21日)普遍造好，其中，昨日(20日)大升嘅華虹半導體(01347)，今朝一度再升4.2%，高見138.5元，其後曾短暫倒跌1.2%，低見131.2元，之後再度回升，若好友想入場做短線部署，CALL輪行使價係咪唔好揀太遠？
星展香港環球金融市場上市產品策略師鍾宛婷指，華虹首季業績及次季指引都差過預期，其實股價已自高位回返唔少，落到20天線搵到支持。
資金流方面，Kathrin話，北水昨日都幾積極，輪場資金流方面，好淡倉都有資金做部署，如果睇好華虹有機會破頂，可以考慮較受歡迎嘅CALL，行使價188元，12月到期，槓桿有3倍，如果驚高位有阻力，可以考慮行使價90元，11月到期，實際槓桿近3倍嘅PUT。
