【主席「出事」後有大動作】衍生集團聯席CEO上場前夕曾癲升58%

【now.com財經】衍生集團(06893)委任馬浚偉為副主席兼聯席行政總裁，呢個任命會喺明日(20日)正式生效，衍生集團股價今朝(19日)狂飆，可能同呢單消息有關。

值得留意係，據集團上月披露，主席、行政總裁兼執董彭少衍，正被內地公安機關刑事拘留，公司已決議即時暫停佢嘅職務，同埋由佢妻子關麗雯出任代理主席。

衍生集團股價大幅高開逾14%，開市報0.156元，其後一度高見0.215元，勁升58%，其後升幅收窄，最新報0.18元，仍大升逾32%。