【Now財經台】被視為Space X旗下Starlink(星鏈)概念股嘅珩灣科技(01523)，周二(12日)獲納入MSCI香港IMI指數，即係可投資市場指數嘅成分股，將會喺5月29日收市後生效。據高盛初步估計，珩灣科技入咗IMI指數，潛在被動買盤1100萬美元，點睇公司今次入咗IMI指數，股價已連續兩日破頂？
耀才證券研究部總監植耀輝指，雖然珩灣科技本身唔係熱門股，但其實過去1、2年股價普遍表現強勢，破頂前走勢都好犀利，反映公司有過人之處，市場亦對公司業績有一定憧憬。
Stanley又話，珩灣科技入咗MSCI後，要留意成交變化，某程度上被動資金嘅部署，有機會推高股價，佢又話，公司基本面強，所以無論有冇新資金追入，前景都睇得正面。
