【Now財經台】喺A股及H股上市嘅創新藥企恒瑞醫藥(01276)，今日(12日)中午公布，同美國生物製藥巨頭百時美施貴寶(BMS)達成全球戰略合作及許可協議，共同推進包括腫瘤學、血液學、免疫學等13項早期項目，交易總額高達152億美元，而里程碑付款則達9.5億美元，折合約64億人仔，遠高於首季純利22.8億人仔，亦相當於去年純利約80%。受消息刺激，恒瑞股價今日一度飆16%，其後升少大截，股價走勢有咩啟示？
元宇證券大中華區股票投資總監趙晞文指，雖然呢單Deal嘅交易金額規模係全球最大，但9.5億美元周年付款額度唔算好大，其他個別創新藥企都講緊10億美元，所以唔足以令市場極度亢奮。
佢續指，投資者都會傾向睇中長線，關注創新藥企同海外藥企合作嘅時機，過去幾年，海外藥企切入位較後，到商業化階段先切入，但近期嘅切入點愈來愈早，甚至早期項目已經有合作，所以今次合作象徵意義更大。
