【now.com財經】噚日揀咗隻恒指熊(69174)出嚟，等五分鐘圖Slow STC(14.3)兩線見觸頂向下之後出動，再等到落到超賣就完成Swing Trade一趟嘅。呢隻熊仔噚日全日有兩次出倉嘅機會，但第一次都係落到中軸之後就沒戲唱，第二次見Slow STC(14.3)有似衝向超賣位，所以又同前日一樣諗住過夜博一博。
唯承如噚日所指，今個星期中後段中美元首會面，而港股亦開始進入業績期嘅高峰期，指數慢活亦都合理；但慢到兩注都只係打個和...還好作戰室好淡兩邊Swing隻住，上下半場夾埋都有接近200點落袋。
而今朝甫開市指數升90點，五分鐘圖Slow STC(14.3)兩線未到超賣已經掉頭，喺作戰室Plan定出好倉嘅同時，恒指熊(69174)亦都未喺開市之後極速掟走；呢一注過夜暫時全月裡面輸得比較「金」，但還好拉上補下都仲有正數，最多我家肥貓今個月食少兩條貓條當減肥啫。
10點左右作戰室好倉亦都先收，因為見五分鐘圖嘅保歷加通道口開始見整條向上，即係指數同Slow STC(14.3)比返Swing出嚟嘅機會高；同步暫時高位出嚟嗰一下亦都有見「擊射之星」物體；買賣貨係有原因，唔係純感覺㗎！
依家10點11分，等緊嘅係指數同Slow STC(14.3)喺五分鐘圖出觸頂向下穿唔穿得到條10線，穿得到嘅話，恒指熊(67153)，收回價26,800點，同現價有接近300點距離，槓桿有約66.4倍，睇返住五分鐘圖博Swing向下嘅話，Slow STC(14.3)到超賣或者指數到保歷加中軸，再到底線，逐個位嚟拉佢落去。
反過來佢企得住線，甚至做上落嘅Swing Trade嘅話，恒指牛(54446)，收回價26,095點，同現價有約400點距離，槓桿有約54.2倍，孖住隻(67153)一齊做。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Book Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。
