【now.com財經】噚日揀咗隻恒指牛出嚟，安全嘅用返五分鐘圖Slow STC(14.3)超賣位觸底上而做一趟Swing Trade；而進取嘅話就借五分鐘圖嘅10線踩住而出隻好倉。
不過，先係五分鐘圖上見Slow STC(14.3)全日都無落過超賣位；而指數踩得住嘅亦都唔係10線，係50線。所以嚴格嚟講噚日文章中嘅策略係做唔到；做到嘅都只係作戰室上下半場開出嘅好倉(或者你自己硬出)。
唔緊要，依家個市有得開就開㗎啦。今朝起身睇新聞見隔晚美股又玩創新高(日韓股(N225同KOSPI指數)好似噚日都創咗新高)，依家9點20分，剛好恒指完U，開升317點，報26,531點，呢口價將熊證首三層全數收回，當中包括重貨熊26,400至26,499點，而26,500至26,599點呢層都有過千張期指街貨。再追好倉嘅話就要指數吞埋26,500至26,599點呢層街貨。
估唔到甫開市指數亦吞埋26,500至26,599點呢層街貨，變相兩層過千張期指街貨嘅熊證都全部被收回，作戰室都只能先將過夜好倉清走先。
到依家9點51分，見指數於26,600點附近上落，五分鐘圖上有見指數高位有似出「長方形」走勢，定住於高位等10線上到嚟咁款。
換小時圖上見指數處於高位，保歷加通道口拓闊，都係乜平均線都未上到去，如果要指數繼續高走嘅話，咁佢都要Keep住保歷加通道口拓闊，Slow STC(14.3)先至有條件出超買再超買。
應該10點打後五分鐘圖會見到整條保歷加通道向上，咁指數同Slow STC(14.3)就會變返出Swing Trade嘅走勢。
係想揀隻好倉出嚟用進取嘅方向再追指數再上，但係...Slow STC(14.3)都無乜可能頂住喺天花板頂足一日。如果指數同Slow STC(14.3)出Swing，恒指熊(65528)，收回價27100點，同現價有約500點距離，同一收回價中最高槓桿，有約40.3倍，依家已經10點21分，五分鐘圖都有見指數串住條10線，Slow STC(14.3)觸得到頂向下而落的話，(65528)出動，逐線逐線向下打。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Book Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。
