【Now財經台】滙豐控股(00005)昨日(5日)出完業績後，股價以全日低位收市，大跌5%，今朝(6日)輕微高開後，升幅擴大，一度升2.3%，高見139.2元，市場似乎已消化咗業績嘅負面影響，如果想部署好倉，CALL輪及牛證應該點揀好？
法巴上市衍生產品部銷售及市場推廣主管李梓維建議，CALL輪方面，如果投資者想博反彈，可以選擇行使價160元，11月到期，實際槓桿9倍嘅條款，滙控績後出現2個波幅點嘅回調，所以依家入場揀CALL或PUT，都唔使擔心會進一步回調，因為已經回穩。牛證方面，亦有差唔多槓桿嘅選擇，收回價約125元，槓桿10倍，主要取決投資者風險承受能力。
佢建議，CALL輪及牛證槓桿差唔多，喺呢個情況下揀CALL更值博，因為唔使再擔心引伸波幅回調風險之餘，仲可以避開牛證收回風險。
