【now.com財經】上星期四(4月30日)揀咗隻恒指熊(62040)出嚟，按Patreon出文後再睇完再去返個捉勢圖就會見到小時圖20線確認失守，呢隻淡倉可以出動，至上半場接近完場前見指數於五分鐘圖有出觸底走勢，為免無厘頭捱價，淡倉更係見好就收啦，呢一注成為咗4月最後一注錄得15%以上嘅正數收入。
放咗三日假期有咩做? 老娘我呢啲年紀更係Grasshopper啦，撞正軟硬做嘉賓，真係要摷返隻《的士夠格》出嚟回春吓。
今日港股都Disco Dancing，先開361點，報26,138點，未正式開市之前已經喺作戰室Plan定好倉追出，及至開市後指數向上抽高，數住見將首兩層熊證街貨全數收回之後，於五分鐘圖上見高位出26,298/26,299點嘅平頂出現，作戰室嘅好倉亦都全線撤退。
10點後開始見指數於26,200點搵支持，都仲算是企得到嘅，而五分鐘圖上目前見保歷加底線開始出現橫行，作戰室仲有即日貨在手嘅都準備定指數會出Swing走勢，如常的Mark住啲線位，嚴守策略就可以。
恒指牛(65572)，收回價25,925點，同現價有約300點距離，所以槓桿有成約68.9倍，真係即日Day Trade用架啫，新上市所以無街貨。
留意住依家10點10分見五分鐘圖10線同指數都追到近啦，借嘅係10線同保歷加頂線夾住一齊上，睇吓今日指數會唔會收埋26,300至26,399點嗰層重貨熊。
提提你今日係無北水，因為A股都仲係勞動節假期中，要星期三(6日)北水先至返嚟架！
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。
