【Now財經台】中資券商廣發証券(01776)首季業績唔錯，收入按年增長64%至117億人仔，純利按年增長71%至約47億人仔，財富管理收入亦唔錯，手續費及佣金淨收入按年增長48%至60億人仔。此外，第1季公允價值變動收益39.7億人仔，按年狂飆19倍，公允值涉及債券、股票、股權投資等，係咪反映炒房做得好？
天風國際李偉傑指，廣發公允值表現的確好標青，睇返同業上海證券、深圳證券僅增長20%及40%，廣發嘅表現的確有驚喜。Jason坦言，雖然現階段睇唔到集團內部持有咩資產，但從指數上都可以睇到已經跑贏行業。
佢又話，若股市出現震盪，中長市嚟講，財富效應喺股市裡面可逐步反映，其實足以解決消費上嘅問題，因此，Jason寄望今年內地股市繼續偏穩向上嘅行情。
