【Now財經台】近日滬上阿姨(02589)股價強勢，截至今日(24日)中午止，本周累升約69% ，兩周累計更飆逾1倍，控股股東早前承諾延長禁售期3至6個月，除刺激股價上返水浮，股價今日先升後跌，早段一度高見163.3元，大升逾10%，但尾市突然倒插，曾低見136.2元，倒跌7.9%，點解會出現呢個情況，係咪反映股價升過龍？
富途證券首席分析師譚智樂指，短炒嚟講理應係順勢炒，但今日就出現陰燭，衝上160元水平再掉頭，雖然延長禁售期會畀到信心市場，因為代表股東睇好前景，雖然集團未來幾年開店情況樂觀，但唔代表值得升咁多。
佢續指，如果用順勢交易角度睇，現時唔應該買貨，如果係之前買入就要定止賺止蝕位，短期可以擺120元水平。
Arnold又話，短線唔建議只集中睇基本面，滬上阿姨市值又唔係好大，股價已升得太多，建議投資者要審慎。
