【Now財經台】美國3月消費物價指數(CPI)按年升3.3%，錄得近2年最大升幅，主要受能源及汽油價格推動，油價持續受地緣政治因素影響而波動，美國通脹係咪有掉頭回升風險？獲美國總統特朗普(Donald Trump)提名出任聯儲局主席嘅沃什(Kevin Warsh)出席聽證會時強調，會捍衛聯儲局獨立性，市場估計，美國今年減息機會愈來愈細，點睇聯儲局未來嘅利率政策？
普徠仕首席投資組合分析師李兆堅估計，美國通脹會慢慢向上，未來要留意4月、5月出爐嘅數據及業績，睇下企業可唔可以將通脹成本轉嫁畀消費者，還是要公司硬啃。
佢又認為，美國通脹上行風險大，預期至年底聯儲局都好難減息，雖然年初對美國整體經濟嘅預期較樂觀，但3月美伊戰事開打令形勢出現變化，未來要視乎央行貨幣政策，可唔可以迅速應對通脹變化，無論做多或做少都會影響投資回報。
