【Now財經台】美國科技股持續強勢，升勢主要集中喺晶片及費城半導體指數(SOX)，並已連升12個交易日，相關板塊，包括存儲、光通訊及儲能，投資者可以點部署？
冠域商業及經濟研究中心主任關焯照認為，其實主要同資金流動有關，今輪大跌市當中，最強勢板塊係存儲、光通訊、儲能及記憶體股，幾乎所有資金都追逐呢啲板塊，因為要建設數據中心，大企業就要投放好多錢去做基建。
關博士又話，科技股都有個Pattern，就係「其他股跌，佢就破頂」，當大市跌定後，因為已經賺咗唔少，就會喺高位沽貨獲利，然後再買返指數股「科技7雄」(Magnificent 7)，就帶動「M7」急升。
佢續指，昨日(16日)開始，光通訊股如Lumentum，股價開始反彈，反映資金開始由指數股轉投呢類強勢股。關博士估計，未來幾日強勢股會繼續升，但由於已極度超買，要小心唔應該再追指數。
