【Now財經台】曾經盛行的共享辦公室，在商廈市道低迷時，行業發展空間有沒有收窄？市場需求又受甚麼因素帶動？
恒隆地產高級董事隋頌偉說:「我哋可以為佢提供到一個非常快進入呢個市場，同埋建立一個據點嘅渠道。」
IWG香港董事總經理張知予說:「依家呢個辦公室新趨勢，就係大家會選擇一啲唔同嘅配置方法。」
逾10年前在本港市場興起，共享辦公室為業務營運者帶來決策調動彈性，曾盛極一時，不過，因為疫情導致封關打亂了這個行業，但市場需求仍然存在，據物業顧問行提供的數據顯示，本港共享辦公室樓面面積，過去10年翻了1倍，由2017年的113萬平方呎，增至2025年近215萬平方呎。
有物業顧問表示，共享辦公室服務對象已由跨國企業，轉為更迎合市場趨勢的初創及中小企。
第一太平戴維斯研究及顧問諮詢部董事湯卓軒說:「Cowork呢樣嘢我又唔可以話係完全反周期，反而係受惠於過去4至5年，寫字樓市道一直受壓，租金比高峰期時下跌超過45%，空置率亦上升到15%。」
此外，一間以收租為主業之一的老牌地產商，就以位於中環的甲級商廈營運共享辦公室品牌。
隋頌偉說:「家族辦公室、金融服務類、專業服務類等客人都有，主要客人除咗一啲新入嚟嘅客戶之外，有更多傳統辦公樓拓展嘅需求。」
有國際共享辦公室品牌表示，相比傳統寫字樓，靈活是最大優勢。
張知予說:「愈來愈多內地企業選擇『出海』，香港係其中1個重要站點，呢種就係『拎包入住』，好適合一啲啱啱想進入呢個市場拓展，想去成立一個團隊。」
近年在政府大力支持創科發展下，營運商相信靈活辦公模式會愈來愈普及，行業發展空間將持續拓闊。
