【Now財經台】嵐圖汽車(07489)表示，控股股東計劃增持公司股份，首期金額唔超過2.5億人仔，折合約2.87億港元，若以昨日(13日)收市價6.08元計，大約可購入4700萬股，佔現有H股總數約5.4%，嵐圖股價今日(14日)高開1.4%後，升幅一度擴大至升逾8.5%，嵐圖上市仍未「滿月」就獲得大股東加注力撐，點睇呢個增持計劃？
天風國際李偉傑指，嵐圖上市後，市場關注度唔算高，公司早前公布嘅3月銷售數據都唔錯，但市場談論度仍然偏低，所以大股東今次擬真金白銀增持，除咗可以提升每股盈利，某程度上都可以提升現有股東嘅信心，亦為公司帶嚟一個新關注點，帶嚟一個廣告效應。
Jason又話，其實好多投資者對嵐圖唔係好熟悉，依家估值唔算貴，集團定位中高端市場，未來關鍵係公司車款可唔可以持續獲市場關注以銷售口碑。
