【Now財經台】香港中華廠商聯合會會長盧金榮表示，中東戰事令本港廠商整體運輸成本增加20%至30%，但認為中東始終是具發展潛力的市場，戰後重建亦帶來商機。
近期中東戰火令航運受阻、油價飆升，擾亂全球供應鏈，盧金榮接受本台與《信報》聯合製作節目《一語千金》訪問時指，受戰事影響，廠商整體運輸成本增加20%至30%，油價上漲亦令塑膠等石油副產品原材料價格上升，廠商要尋求替代方案。
盧金榮說:「例如中國都係一個好多呢啲副產品製造商，我哋可以尋求喺呢啲地方搵一啲替代品，當然，我哋係接單時都要考慮清楚，小心啲，唔係隨便接定單，同買家講清楚，或者合約上有啲浮動價錢，或者有啲唔同嘅條款，去保護返我哋出貨時遇到嘅問題。」
雖然局勢不穩，但盧金榮指出，中東始終是具消費力的市場，基建等發展需求龐大，為港商帶來機遇。
盧金榮說:「唔係話佢(中東)打緊仗混亂時我哋偏好，而係覺得呢個始終係一個有潛力發展嘅地方，當戰事完結之後，我相信中東國家需要重建，呢方面可能我哋都有個機遇，因為看到好多基建，其實戰事前都已經做緊，戰事之後會加快。」
面對美國關稅政策反覆，盧金榮表示，本港廠商已透過分散供應鏈及拓展新興市場等策略，以減低相關影響。
盧金榮說:「我哋覺得嚟緊關稅都會反反覆覆，對於我哋廠家，其實咁多年以嚟，我哋都習以為常，都已經習慣晒，所以關稅對我哋嘅影響會愈來愈細，因為我哋已經用咗很多年時間去部署，嚟緊我哋都要有好多準備、防範，例如我哋好多時喺結算方面，我哋都可能會用人民幣結算。」
對於港商在內地市場面對「內捲」等挑戰，盧金榮指，在大灣區消費者普遍願意多付5%至10%價錢，購買香港品牌產品，港商未來要繼續以品質及服務取勝。
