【now.com財經】上星期五揀咗隻恒指牛出嚟，同之前一樣都係Set咗進取mode(五分鐘圖有10線支持就出)同埋安Mode(如常用STC做觸底上行嘅Swing Trade)。
呢注正數無問題，不過呢期指數裂口開出嚟都已經一步到位，所以變相做Day Trade嘅話都只係執杯珍奶咁嘅Size；環境變，策略上亦都要跟住去改變，呢排做唔到Day Trade嘅話，可以試下轉玩中線少少嘅策略，無嘢係可以行到一世㗎嘛。
所以，上個星期喺作戰室裡面都有開始更傾向用日線 > 週線 > 甚至係月線圖嚟睇市，輪證都可以做中線部署，只要揀輪證嘅方法換一換就可以架啦。
日線圖上見指數於50/100/150線前止步，兼於上週五有出「墓碑十字星」，只係Slow STC(14.3)未確認到轉向下；係嘅，日線圖係要啲時間嘅。而換保歷加通道見整條通道橫行中，先比個Swing Trade有條件出現嘅貼紙佢先。
「咁可以唔可以叫做『指數未掂到保歷加頂線/超買位見向下回，係因為上方有50/100/150線』咁睇個圖呀?!」可以架，Swing Trade玩法雖然係頂到底/底上頂咁追，但唔會真係次次都掂得到個頂同個底咁準架。
今朝作戰室都有淡倉出動咗，不過喺作戰室裡面揀嘅貨都係比較適合Day Trade用；借日線同週線嘅就睇咗隻恒指Put(25463)，行使價25074點，價外2.12%左右，7月底到期有約9.49倍槓桿，引伸低於25%屬偏低水平。
依家10點6分，作戰室今朝注淡倉已經食咗兼出埋好倉做咗反手，執杯珍奶嘅方法都係如常用Swing Trade去做啫；換個走勢圖其實都係一樣做法，只不過用嘅時間唔一樣啫。
入市位可以留意返小時圖，目前保歷加通道口有見收窄，而喺大約喺25700點呢度畫到條頂線。如果小時圖嘅保歷加底線向上，迫指數上到頂線又遇阻嘅話，咁隻(25463)小注試下。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。
