【Now財經台】小米集團(01810)昨日(9日)斥資2.5億元做回購，股價今朝(10日)向上，一度高見31.96元，升近2%，如果憧憬整固後走勢有改善，用牛證做部署，距離收回價10%以內嘅產品槓桿都吸引，至於熱門CALL槓桿就做到5倍至6倍，價外逾10%至50%都有，應該點揀好？
法興證券上市產品銷售部董事蔡秀虹指，小米近日喺一個較低嘅區間整固，較多資金用牛證做部署，避開引伸波幅下跌，暫時距離現貨價6%至8%嘅小米牛證，槓桿約10倍。
佢又話，如果揀小米CALL做部署，就要考慮返近日波幅唔大，引伸波幅嘅問題，投資者可以揀得貼啲，行使價36至37元，年期就較長，槓桿3倍至4倍，適合做中長線部署。
