【Now財經台】本港3月工商舖成交係8個月以來最多，錄得416宗買賣登記，按月升近15%，數字對整體市況有咩啟示？工商舖後市又點睇？
利嘉閣工商鋪董事黃應年表示，3月份整體表現可以話係全線向好，工商、商業及舖位三線成交宗數都上升，工商舖市況應該開始轉旺，估計第2季可望延續第1季末嘅良好勢頭，成交宗數會繼續增加，只要中東戰事唔再惡化，股市表現又穩定，工商舖市況可以繼續睇好。
佢預期，全年走勢應該冇太大問題，相信會逐步走出陰霾，而跟買家溝通之後，都覺得市場係對後市有一定信心，而3月商廈登記宗數反覆靠穩，按月升21%，主要受幾宗數億元交易推動，現時商廈成交呎價已較高峰期回調咗50%，甚至60%，所以吸引唔少投資者或用家趁低吸納。
