【Now財經台】美伊同意停火兩星期，刺激環球股市昨日(8日)集體爆上，不過，今早(9日)地緣局勢又出現變化，以色列襲擊黎巴嫩或影響停火協議，市傳伊朗打算再封鎖霍爾木茲海峽(Strait of Hormuz)，今次嘅危機可唔可以迅速化解？會點樣影響全球股市？
摩根資產管理環球市場策略周奐彤指，短期仍然好難預測，應該會保繼續持觀望態度，但樂觀之處係，今次美伊係3月初以來第1次願意讓步，而談判仲需要一段時間先會有結果，市場見到中東局勢有少少曙光就蜂擁撈底，喺不明朗因素持續下，資金更傾向買入高質量、高流動性資產。
Marcella又話，停火亦意味市場風險情緒會繼續被新聞、新消息困擾，依家會重點關注海峽重開後，來往嘅船隻可唔可以順利通過，更重要係，油、氣嘅運輸幾時可以全面復常，希望最壞時間已過，美伊談判唔會拖得太耐，可以趕及美國中期選舉前有解決方案。
美息方面，佢認為，美國聯儲局加息風險係大咗，市場嘅不安情緒喺戰事開始時已經反映晒，之後公布嘅通脹數據就要睇聯儲局點反應，估計暫時都係受短期因素影響，反而係就業市場，還是通脹風險憂慮更大，估計聯儲局會審慎地喺兩方面取得平衡。
