【Now財經台】避險資金重新流入美元，帶動美匯指數迫近100水平，不過，美債慘遭拋售，美國各年期債息全線向上，對息口最敏感嘅2年期債息觸及3.95厘，高於美國聯儲局3.5厘至3.75厘嘅指標利率，10年期債息亦見4.4厘，進一步迫近4.5厘至4.6厘嘅警戒水平，2年期美債息升至近4厘水平，回報吸唔吸引？點解美元同美債表現會咁分化？
ATFX亞太區首席分析師林銘添指，如果純粹以回報計，美債現水平的確係幾吸引，但投資者要留意，依家係由戰事引發的風險溢價，雖然市場對美元有需求，但要提升溢價先到買債水平，反映金融市場對美以伊戰局及美軍可能處於劣勢有一定擔憂，如果戰事拖長，龐大軍費開支將重創美國經濟，繼而影響金融體系及借貸循環系統，導致借貸成本上升。
佢續指，雖然美債息率向上看似吸引，但其實代表市場對戰事不確定性嘅擔心，若投資者對美國喺呢場戰事嘅前景有信心，依家買入美債係一個吸引水平。
