【Now財經台】中東戰事引發嘅石油危機問題衝擊外匯市場，其中，依賴進口能源嘅東南亞國家貨幣顯著受壓，日圓兌美元迫近160水平之際，日本央行今日(19日)公布，維持利率不變。美國總統特朗普(Donald Trump)稍後跟日本首相高市早苗會面時，會唔會因為唔想日圓偏弱而提出外匯干擾？
外匯策略專家張建泰認為，外匯市場表現可以反映中東局勢影響，當環球能源價格飆升，全球就要面對通脹上升問題，而通脹風險會進一步影響各國央行加息，或推遲減息時間嘅決定。
佢又指，經濟對能源市場衝擊嘅強韌度都會影響外匯市場，不過，由於美國有生產頁岩油，所以戰事對美國能源供應影響較小，相反，東南亞國家，例如日本非常依賴入口石油，所以會導致日圓匯價偏弱。
Ken相信，160水平係一個較關鍵位置，即使近日跟干預日圓匯價嘅相關消息唔多，但佢認為，日美財金官員亦曾經討論相關議題，張建泰估計，只要日圓唔係跌得太急，美日暫時都會持觀望態度。
