【Now財經台】小米集團(01810)將於下周二(24日)出業績，股價近日自低位逐步回升，繼昨日(16日)抽升5%，收復20天線後，今日(17日)進一步升穿50天線，雖然股價強勢，但昨日好倉只得約40萬元流入，5日合計，累計流入約600萬元，小米資金流向最新有咩變化？
中銀國際證券衍生產品部董事朱紅指，小米股價觸及前低位後，連日反彈，加上集團指周四(19日)會推出新車，帶動股價由31元彈上36元，所以早前部署咗好倉嘅投資者都有獲利情況。
Niki又話，小米股價上到36元水平後，開始見到資金反手開淡倉，其中，行使價32元，今年6月到期，槓桿約7倍嘅PUT輪較受歡迎，佢建議繼續留意業績及新產品發布消息。
