【Now財經台】香港上海滙豐銀行主席王冬勝表示，恒生銀行可以透過滙豐的網絡接觸到海外客戶。
滙豐銀行主席王冬勝接受本台與《信報》聯合製作節目《一語千金》訪問時指，亞洲市場一直對滙豐十分重要，中國貿易需求帶動區內國家愈來愈富裕，若整個區域能富有起來，可以吸引不同資金。
他又稱，港股都要靠國家支持，包括內地企業來港上市，支持新股市場。
王冬勝說:「香港自己有好嘅管理，一國兩制係好嘅管理，但好多嘢都係要靠我哋國家去支持，譬如好簡單，係2011年嘅時候，香港喺全世界係IPO最多嘅，因為我哋國家嘅國有企業全部嚟香港上市，所以變到最大，就算今時今日，我哋本來係1000億嘅交投，一日喺股票市場，依家變咗3000億，點解呢？因為有好多我哋國家嘅公司嚟香港。」
他續指，香港在國家「十五五」規劃中，要利用好對外發展，在國際市場爭取話語權，才可貢獻國家。
對於滙豐私有化恒生，王冬勝表示，希望透過滙豐的國際網絡協助恒生拓展海外市場。
王冬勝說:「其實我哋係希望好多滙豐嘅產品，恒生都可以用，因為恒生依家係冇呢啲產品，譬如話外匯產品、IPO、發債產品，就算係一個國際嘅渠道，出去嘅渠道，呢個都係恒生冇嘅，我哋希望將呢啲產品都畀到恒生嘅客。」
他又舉例指，私有化可令兩家銀行在科技的投資，避免成本重疊，客戶亦可用到同一套科技。此外，王冬勝讚揚恒生有很多優良傳統及做生意方法，滙豐可以參考。
