【now.com財經】每年農曆正月廿六係唔少港人嘅年度「盛事」，就係被視為「神級量化寬鬆」(QE)、「神級融資」，協助市民渡過經濟困境嘅「觀音開庫」大日子。
馬年觀音借庫正日將會喺明日(14日)，到時全港多家廟宇將會大開金庫，「借貸」金額介乎3000萬至10億元，而今年首選吉時(子時)係今日(13日)23:00至明日(14日)01:00。
有咩「借貸條款」？
1.借庫金額冇限制，幾百萬至幾百億都可以。
2.準備借庫物品，包括蠟燭、生果、鮮花。
3.喺觀音衣紙填寫日期、名字、出生日期、地址。
值得留意係，全港逾10間借庫廟宇之中，建於1873年嘅紅磡觀音廟被譽為全港「最靈」，唔少善信都會喺正日當日早啲到場「搶頭柱香」。
如果怕人太多，個別廟宇今年繼續推出「網上代借」服務，善信可透過WhatsApp聯絡相關廟宇落Booking，成功預約後，就喺指定時間去領取借庫物品。
