【Now財經台】日本今日(10日)公布去年第4季國內生產總值(GDP)修訂值，按季增長向上修訂至1.3%，為高市早苗政府未來嘅經濟政策打咗一支強心針。高市表示，要加大投資發展重點產業，帶動日圓輕微轉強，市場似乎仍對地緣政局引發嘅原油供應問題感到憂慮，係咪因為呢個原因唔敢押注日圓？
1uptick Analytics首席分析師杜浩霆指，日本GDP數據好過市場預期，甚至由負轉正，反映當地經濟好轉，數據出爐後，市場開始吹風日本央行有機會加息，佢認為，日圓有機會自區間頂158水平落到區間低位152水平，加上美國聯儲局下周將會議息，喺雙重夾擊下，本來睇淡嘅投資者都要調整下大方向。
