【Now財經台】市場繼續消化中東局勢，金融股昨日(5日)齊齊反彈兼撐市，當中包括滙豐控股(00005)，股價今早(6日)先跌後升，繼續企穩50天線。好友昨日已經食糊，但睇返好倉，5日合計仍有996萬元坐貨，股價今朝回一回有冇吸引好友再入場，咩類條款最受歡迎？
星展香港環球金融市場上市產品策略師鍾宛婷指，今早滙控好淡倉都熱鬧，始終基本面強勢，防守性又高，但受中東戰事影響，都要跟大市跌，唔少投資者見佢落到50天線就想博反彈。
Kathrin建議買揀行使價159元，今年11月到期嘅CALL，槓桿可以做到7倍。此外，如果有正股喺手想做對冲，可以揀價外10%，行使價約110元，9月底到期嘅PUT，槓桿都有6倍。
