【now.com財經】英偉達(Nvidia)向中國出售H200人工智能(AI)一直阻滯多多，事情又有最新發展，據外媒報道，集團已經停產呢款專供中國市場嘅AI晶片。
據英國《金融時報》報道，Nvidia已停產H200晶片，並將台積電(TSMC)生產H200晶片嘅產能，會分配畀新一代晶片Vera Rubin。Vera Rubin係Nvidia專門為更複雜嘅AI系統度身訂造，Google及OpenAI等美國科技巨無霸有好大需求。
報道又引述知情人士指，Nvidia之前指已獲華府「開綠燈」，可以向中國客出口小量H200晶片，但由於中國表明大力扶持國產晶片，Nvidia都唔想「坐以待斃」，今次停產亦反映短期內好難出口H200晶片去中國市場。
