【Now財經台】雖然黃金同比特幣(Bitcoin)一樣冇息收，但黃金係傳統避險資產，Bitcoin就係風險資產，喺依家中東戰亂下，金價有冇機會突破前頂？點睇交易所買賣基金(ETF)、金礦股投資前景，投資者應該點揀？
獨立市場策略師何啟聰指，今次嘅中東戰事好大機會帶動金價衝破前高位，因為當市場唔明朗時，資金就會流入金市，長遠嚟講，黃金會繼續受美國及其盟友以外嘅國家央行追捧。佢續指，若睇好金價今年表現，可以考慮SPDR金ETF(02840)、恒生黃金ETF(03170)、價值黃金(03081)。
Ivan又話，若希望波幅更大，可以留意金礦股，由於呢類股份有較高營運槓桿，所以利潤較高，甚至高過實金。至於買實金還是金礦股，就要視乎投資者風險承受能力。
