【Now財經台】英偉達(Nvidia)喺美股昨晚(25日)收市後出咗季績，上季多賺94%至430億美元，數據中心收入按年增長75%，勝預期，唔少投資者期望Nvidia季績可以提振市場信心，以至人工智能(AI)投資及前景，呢份成績表幫唔幫到手？
安柏環球金融首席投資總監雷志海指，從整體AI資本投資角度睇，見到過去一兩個星期，多家大型數據中心持續有投資，高達3萬億美元，而Nvidia業績反映集團係其中一個受惠者。
John又話，依家嘅資本投入係天文數字，市場擔心「錢從何來」，不斷掟錢投資，但收回成本又要幾耐？雖然幾家大型數據中心盈利豐厚，但要靠大量發債先可以持續投入，所以的確要小心出現過度投資。
