【Now財經台】資金昨晚(12日)流入債市，貴金屬同步被抛售，金價跌穿每盎司5000美元，交易所買賣基金(ETF)、金礦股亦跟跌，其中，紫金礦業(02899)今日(13日)一度挫逾5%，低見42.62元，有冇多咗好友即時入場？短線博反彈可以揀咩條款？
法興證券上市產品銷售部董事周翰宏指，暫時未見太多資金流入好倉，因為紫金股價過去5個交易日，由38元水平起步升至現水平，已累升逾10%，起碼要調整至20天或50天線，先會有更多好友入場博反彈。
條款方面，佢認為行使價48元以上，價外及4月到期嘅CALL太進取，要金價創新高才可刺激金礦股破頂，Horace建議，可以揀行使價約46元，輕微價外，又或者42元以下，6月到期嘅CALL更可取。
