【Now財經台】網易(09999)昨日(11日)出咗去年第4季業績，經調整盈利按年跌27%，差過預期，但摩根大通形容，網易表現其實比單睇大數好，點睇網易呢份業績？
耀才證券研究部總監植耀輝指，網易有幾瓣業務，要睇由邊項業務角度出發，其中，遊戲業務做得比較出色，因為有知名度，反觀其他業務就差少少，其實呢份業績唔算好差，只係冇乜亮點。
Stanley又話，網易股價短期較難彈返上去，加埋科技板塊個勢比較差，未來要睇行業或集團之後公布嘅數據，會唔會為市場帶嚟驚喜，網易要靠今次呢份業績彈返上去就有難度，建議投資者等股價上返20天線，再做撈底部署。
