【Now財經台】比特幣(Bitcoin)價格已連跌4個月，上周四(5日)大跌後，翌日(6日)又大反彈，不過，喺今輪跌浪持續下，Bitcoin價格已自去年高位「腰斬」，係咪確認Bitcoin已步入熊市？
亨達虛擬資產及財富管理董事總經理鍾駿指，已確認Bitcoin步入熊市，投資者可以根據熊市模式做部署，加密貨幣資產波動率好大，睇返以往嘅Bitcoin熊市，由絕對高位到絕對低位最多跌過80%，但每次之後都慢慢收窄。
Stephen提醒，過往嘅歷史走勢只係作為參考，唔代表未來嘅走勢都會一樣，而Bitcoin引伸波幅已去到約80%，而去年只係約50%，隨時會出現大升大跌嘅走勢，因為隱含波動率下跌，就引發恐慌情緒，而唔一定係先出現恐慌波動率先會跌。
