【Now財經台】日本眾議院選舉點票工作基本完成，自民黨取得逾三分之二議席，大獲全勝，意味國會將會為日本首相高市早苗經濟政策「開綠燈」，日經平均指數今朝(9日)一度狂飆逾3000點，高市贏咗呢場政治豪賭後，日本股匯債會點行？
星展銀行(香港)豐盛私人客戶執行董事鄧威信指，相信市場都預期高市會繼續透過寬鬆貨幣政策刺激經濟，因此，選舉結果消息一出，日本長債息衝高，日圓就轉弱，股市則大升，短期而言，似乎係利好整體經濟。
不過，Wilson估計，政府無可避免要發債維持運作，因此，近年市場對日本長期債務狀況都有啲擔心，過往曾試過日本長債息一升，就牽動埋亞洲區，甚至美國長債息，如果美日債息同步抽升，會令企業融資成本大增，繼而減少投資，對整體經濟產生連鎖效應。
他又稱，若日圓升得太多，市場可能會擔心出現套息交易(Carry Trade)，到時一定對股市有影響，所以投資者都要留意日債息變化對環球金融市場嘅影響。
