【Now財經台】受美股、銀價、比特幣(Bitcoin)急挫拖累，恒生指數今日(6日)一度瀉近600點，但小米集團(01810)反覆向上，一度升1.6%，高見35.48元，如果睇好小米抗跌力，博股價繼續向上，產品條款可以點揀？
法興銀行證券上市產品銷售部董事周翰宏指，小米中長線走勢仍偏弱，雖然近期大市有反彈，但小米股價續受制10天線水平，估計最多可以彈上20天線水平。
佢又指，如果投資者想做短期反彈部署，建議揀牛證好過CALL輪，因為後者引伸波幅較高，槓桿亦唔吸引，可以選擇收回價33元以下嘅牛證，即約31至32元，槓桿做到8倍至10倍。
