【Now財經台】本港零售銷售連升8個月，零售管理協會日前估計，今年上半年銷售平穩，而即將來臨嘅農曆新年，零售協會逾90%會員估計，將會持平及有增長。
零售市道回穩，企業開店信心都大咗，其中，日本生活雜貨品牌3COINS，繼去年7月開咗香港第1間門店後，再喺葵芳插旗開第2分店。
新分店明日(6日)就會開幕，面積比銅鑼灣店更大，有超過2000款產品，應該可以滿足到Fans嘅掃貨要求。
值得留意係，公司賣點係「與日同價」，今日(5日)開始會推出會員制，要Join咗先可以繼續享「與日同價」，以330日圓嘅產品為例，會員價17港元，非會員就要26港元。
集團又透露，已經籌備緊第3分店，但選址暫時要賣個關子。
