【now.com財經】今日(4日)係馬年第一個節氣「立春」，意味已正式進入馬年，富達國際(Fidelity)今日發表咗中國市場投資展望，分析中國投資前景、A股喺象徵活力、動能及波動嘅「火馬年」嘅走向。
富達認為，A股仍有一定吸引力，喺創新動能、企業盈利提升、政府政策助力下，可吸引到國際投資者。此外，喺寬鬆財政、貨幣政策，加上產業升級政策推動下，中期信心已經逐步恢復。
富達國際亞太區投資總監Stuart Rumble指，雖然A股去年累升20%，香港恒生指數更累升30%，但相對美股，中國股票仍被低估，認為A股仍有好多機會。佢又估計，A股今、明兩年回報率可達12%，工業及醫療健康板塊會有唔錯發展。
不過，提醒投資者要小心去年熱炒股，例如IP零售，雖然盈利有增長，但股價已升咗好多。
