【Now財經台】美國聯儲局將會喺本港時間周四(29日)凌晨3點公布議息結果，市場估計，局方今次將會按兵不動，但主席鮑威爾(Jerome Powell)5月就會離任，年內係咪一定會再減息，全年會減幾多次？
金馬資本管理高級交易策略師蘇沛豐指，由於近期美國經濟數據唔算差，所以聯儲局唔需要急於減息，估計今次會議唔會減息，不過，隨著美國通脹今年再降溫，聯儲局有條件再減息，估計上半年會再減息1次。
Daniel續指，聯儲局新主席年中上任後，相信立場會較鮑威爾「偏鴿」，所以下半年仍有減息空間，預期下半年將會減2次，意味暫時估計全年會減息3次。
