【Now財經台】今個星期市場焦點，除咗美國聯儲局議息結果出爐外，「科技7雄」(Magnificent 7)嘅蘋果公司(Apple Inc.)、微軟(Microsoft)、Meta等亦會派季度成績表，近期「7雄」股價弱勢，即將派發嘅成績表可唔可以撐返起股價？
資深投資者莫家強指，其實有幾隻大型科技股喺業績前，已開始自低位回升，但到底可唔可以轉勢，由跌轉升，甚至展開新一輪長期升浪，就要睇返即將出爐嘅業績。
Alex估計，呢啲股份好大機會重拾升勢，尤其係Apple，其實一直有頂級分析員Cover佢，對Apple前景都好清楚，而股價亦已自低位反彈，其實「春江鴨」都預期Apple業績冇乜特別，但仍然照升返，所以只要業績唔會有太大驚嚇，股價未來繼續向上嘅機會較大。
