【Now財經台】地緣政局充滿變數，避險資金持續湧入貴金屬市場，推動金價及銀價齊齊破頂，現貨金價更一度升穿每盎司5100美元，金價仲有幾多上望空間？值唔值得高追？
艾德金融投資執行董事文錦輝表示，雖然金價通常喺第1季表現較好，但今次升得咁急的確係較罕見，正正反映市場嘅憂慮，由於大部分資金湧入金市避險，加上已出現超買情況，因此，佢唔建議投資者現階段沽空。
至於冇貨嘅投資者，佢認為現水平入市風險較高，建議等金價回落約300美元，再考慮吸納。
白銀方面，Felix指出，當銀價升到109至110美元水平，淡倉盤應所剩無幾，基本上要返嘅都返晒，若依家持有長倉嘅投資者可以繼續持有，止蝕位擺103美元，而金價一日未跌穿5000美元，仍可以繼續睇好。
