【Now財經台】截至早上11時止，1小時內《彭博》用戶搜尋量最多港股，依次為美團(03690)、中國平安(02318)、稀宇科技(MiniMax)(00100)、金蝶國際(00268)及地平線機器人(09660)。
金蝶股價今朝(12日)高開逾3%後，升幅一度擴大至逾11%，高見16.1元。此外，做人工智能(AI)雲及應用軟件類股份都普遍造好，有咩啟示？
富昌證券聯席董事譚朗蔚認為，整體科技股處於弱勢，呢幾日上升可能因為英偉達(Nvdia)對華出口H200，以及國產晶片相關消息，而當晶片供應復常，3個板塊包括大模型、雲服務及數據中心都會受惠，金蝶造好都應該同呢啲原因有關。
不過，Stevan唔認為金蝶今日大升係轉勢訊號，認為投資者不宜依家去追貨，同埋要留意16.6元水平係重倉阻力，有貨不妨再觀察多兩日，想部署嘅投資者就可以等股價落返14.5元再入手。
