【Now財經台】地緣政局不斷升溫，美國繼突襲委內瑞拉後，依家又劍指格陵蘭，國際局勢一向同貴金屬價格掛鈎，金價昨日(7日)迫近之前創下嘅歷史高位後，掉頭向下，但仍可守住每盎司4450美元水平，銀價走勢亦波動，貴金屬價格未來會點行？
獨立外匯商品分析師譚家康指，格陵蘭事件必須關注，但好難估計其金價嘅影響，他又提醒，伊朗及以色列嘅紛爭都會左右金價走勢。
Pierce續指，2025年以後一直有地緣政治「火頭」出現，利好貴金屬價格，又指現時好少投資者喺高位平倉，建議投資者喺4300美元水平做好倉部署，銀價方面，由於供應不足等基本問題仍未解決，因此，預期金價及銀價2026年第1季仍有機會破頂。
