【期匯決算】美元今個月繼續偏淡？

【Now財經台】踏入2026年，匯市比較淡靜，美匯指數守住98美元水平，變動唔大。美匯指數喺2025年累跌9%，表現係2017年以來最差，但去年1月表現其實唔算差，點睇今個月走勢？

獨立外匯商品分析師盧楚仁指，大方向都係預期美國聯儲局今年仍有減息壓力，美元會走弱，關鍵在於幾時減，究竟係今個月減息，還是等新主席上場先減，雖然依家美元偏弱，但最近有見底回升跡象，佢估計，美匯指數今個月會繼續偏淡，不過，都要留意美國今晚(2日)及下星期出爐嘅經濟數據，若數據反映當地經濟仍然強勁，美元或會反彈。