【Now財經台】內地昨日(30日)提前公布新一輪「以舊換新」政策，涉及汽車、家電、消費電子產品等範疇，有大行估計，2026年整體補貼將會少過今年嘅3000億人仔，點解讀明年補貼縮水情況？
安柏環球金融首席投資總監雷志海指，估計明年整體補貼僅約2500億人仔，的確少過今年，市場難免會有啲失望。
John續指，中央未來未必會用「決堤式」政策撐經濟，國家主席習近平多次表示，要將經濟發展聚焦喺質素，意味唔再硬性地發展經濟，而係改為針對性，企業應該因應自身強項去發展，因此，John認為，「決堤式」政策支持唔係中央發展經濟嘅大方向。
