【Now財經台】金價10月破頂後，一度回落至每盎司4000美元樓下，之後重拾升勢，昨日(22日)突破4400美元，大行紛紛拋出最新目標價，摩根士丹利及瑞銀睇4500美元，高盛睇4900美元，美銀及摩根大通更牛，睇到5000美元，甚至以上水平，即較現價仲有約10%水位，點睇金價後市？
iFast Global Markets副總裁溫鋼城指，睇返各國央行嘅貨幣政策，美國聯儲局推出儲備管理購買計劃(RMP)，變相行迷你版量化寬鬆(QE)，明年或買入5000億美元短債。日本央行方面，相信會繼續持有大量美債，而人民銀行持續掟美債，資金有可能流入金市，加上受地緣政治因素影響，以及俄羅斯外匯儲備被封，依家投資黃金係最保險。
Harris又相信，黃金未來仍會有好大需求，因此，金價好大機會衝破5000美元關口。
