【Now財經台】海南封關措施已經喺上周四(18日)實施，據暫時統計顯示，銷售數字都唔錯，單計三亞市，兩日累計免稅銷售額已逾1億人仔，中國中免(01880)明顯係新政策大贏家，股價今日(22日)尾市再升多浸，一度炒高近16%，高見81.95元，如果想入市應該點部署？
高歌證券金融首席分析師聶振邦指，中免受惠程度係較高，一方面零關稅商品清單擴大，美妝、家電、保健品銷量都比封關前有所提升，屬於短暫刺激消費誘因，但係咪可以持續仍要繼續觀望。
聶Sir又話，中免除咗股價可以受惠，市場亦睇好中免明年第1季業績，因為可透過免稅作招徠，吸引消費者購物，不過，短線喺90元有阻力，建議想入嘅投資者喺78元或以下買貨會較安全。
