【Now財經台】2025年已進入倒數階段，港股暫時跑贏全球主要市場，據GUM統計顯示，強積金今年幾乎全線錄得正回報，但固定收益基金表現相對落後，點解會出現呢個情況？點睇明年股市表現？
強積金顧問GUM常務董事陳銳隆指，呢個情況同債息有關，因為息口回落，短期利率向下，有逾10%都擺錢喺保守基金，多數係一啲低風險人士買，因為波動相對細，雖然表現比股票資產遜色，但亦唔係特別差。
Michael又話，暫時估計明年上半年港股會較為波動，要留意中美關係發展，相信雙方博弈持續，所以要有心理準備貿易壁壘會持續。佢又認為，唔好預期經濟會出現好大突破性進展，不過，佢補充，雖然港股明年會較波動，但整體大市仍會繼續向上。
